ශ්රී ලංකා පොදුජන පෙරමුණ සෑම විටම ජනතාවගේ ඡන්ද අයිතිය වෙනුවෙන් සටන් කළ පක්ෂයක් බව ශ්රී ලංකා පොදුජන පෙරමුණේ මහලේකම් පාර්ලිමේන්තු මන්ත්රී සාගර කාරියවසම් පැවසීය.
ඊයේ ශ්රී ලංකා පොදුජන පෙරමුණු මූලස්ථානයේ පැවති මාධ්ය හමුවකට එක්වෙමින් මන්ත්රීවරයා කියා සිටියේ මැතිවරණයක් ඉල්ලා සිටීමට ජනතා විමුක්ති පෙරමුණට සදාචාරාත්මක අයිතියක් නොමැති බවයි.
ශ්රී ලංකා පොදුජන පෙරමුණ ප්රමුඛ රජය නිසි කලට මැතිවරණ පැවැත්වූ බව ඔහු පැවසීය.
“මැතිවරණය කල් දැමීම සම්බන්ධයෙන් පසුගිය සතියේ පාර්ලිමේන්තු විවාදයක් තිබුණා. එහිදී ශ්රී ලංකා පොදුජන පෙරමුණ පැහැදිලිවම ප්රකාශ කළේ මැතිවරණය කඩිනමින් පැවැත්විය යුතු බවයි. අපි පළාත් පාලන මැතිවරණය දැඩි ලෙස ඉල්ලා සිටිමු,” ඔහු පැවසීය.
“මැතිවරණ ක්රමය වෙනස් කිරීමේ නව පනතක් නිසා පළාත් සභා මැතිවරණයත් ප්රමාද වී තිබෙනවා. එය 2017 දී ජනතා විමුක්ති පෙරමුණේ සහයෝගය ඇතිව නීතිගත කරන ලදී. ඒ නිසා ජනතා විමුක්ති පෙරමුණට මැතිවරණයක් ඉල්ලන්න අයිතියක් නැහැ,” ඔහු වැඩිදුරටත් පැවසීය.