ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහාය පළ කරමින්, ශක්තිමත් ආර්ථිකයක් ජයග්‍රාහී ගමනක් යන තේමාවෙන් නව සන්ධානයේ මංගල මහා රැළිය ඊයේ හලාවතදී පැවැත්විණි.
නව සන්ධානය නිර්මාතෘවරයා ලෙස පාර්ලිමේන්තු මන්ත්‍රී නිමල් ලංසා මහතා කටයුතු කරන අතර නව සන්ධානයේ මෙහෙයුම් නායකයා ලෙස කටයුතු කරන්නේ හිටපු අමාත්‍ය අනුර ප්‍රියදර්ශන යාපා මහතායි.
මෙම මංගල මහ රැළියට අමාත්‍ය සුසිල් ප්‍රේමජයන්ත මහතා, අමාත්‍ය නලීන් ප්‍රනාන්දු මහතා මෙන්ම හිටපු ජනාධිපති ගෝඨාභය රාජපකෂ මහතාගෙ පුද්ගලික ලේකම් සුගීෂ්වර බණ්ඩාර මහතා ද සම්බන්ධ වී සිටියහ.
මෙම නව සන්ධානය වත්මන් ජනාධිපති රනිල් වික්‍රමසිංහ මහතා යලි ජනපති කිරීම සදහා මහා සන්ධානයක් නිර්මාණය කිරීමට වැඩ කටයුතු ආරම්භ කර ඇති බවත් මේ වන විටත් ඒ සදහා පක්ෂ 28ක් හා පාර්ලිමේන්තු මන්ත්‍රීවරුන් 60ක් සම්බන්ධ වී ඇති බවත් පාර්ලිමේන්තු මන්ත්‍රී නිමල් ලන්සා මහතා සදහන් කරනවා
