ඉදිරි ජනාධිපතිවරණය ජයග්‍රහණය කිරීම සඳහා පක්ෂයට එන ඕනෑම පුද්ගලයකු සම්බන්ධ කර ගැනීම නුසුදුසු ක්‍රියාවක් යැයි සමගි ජන බලවේගයේ සභාපති ෆිල්ම් මාර්ශල් සරත් ෆොන්සේකා මහතා කියා සිටි.
මේ වන විට ආණ්ඩුව ගෙනයන එක්සත් ජාතික පක්ෂය සහ පොදු ජන පෙරමුණ සම්බන්ධයෙන් මහජනතාව තුළ අල්ප කැමැත්තක්වත් නැති අවස්ථාවක සජිත් ප්‍රේමදාස මහතාගේ ජයග්‍රහණය ගැන පමණක් සිතා පොහොට්ටුවේන් එන ඔනෑම දූෂිතයෙක් සජබට එක්කාසු කර ගැනීම නොව ඔවුන් පිළිබඳ යම් තක්සේරුවක් කර දූෂිතයන් නොවන අය සමග පමණක් ගමනක් යා යුතු බව ඔහු පෙන්වා දෙයි.
සජිත් ප්‍රේමදාස මහතා සහ සමගි ජන බලවේගය මහජනතාවගේ අවශ්‍යතාවය හරිහැටි තේරුම් නොගෙන කටයුතු කළහොත් පක්ෂයටත් දිගු ගමනක් නොමැති බව සරත් ෆොන්සේකා මහතා පෙන්වා දෙයි.
ඔහු කියා සිටින්නේ පාර්ලිමේන්තුවෙන් අඩක්වත් දූෂිතයන් වන බවත් මහජනතාවගේ අපේක්ෂාව දූෂිතයන් රහිත පාර්ලිමේන්තුවක් නිර්මාණය කර ගැනීම බවත් එයට තම පක්ෂය ක්‍රියා කළ යුතු බවත් පෙන්වා දෙයි.
