ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් අපරාධයක් කළ අයෙක් බවත් එබැවින් ඔහු පොලිස්පතිවරයා නොකළ යුතු බවත් මධ්‍යම පළාත් හිටපු ආණ්ඩුකාර මෛත්‍රී ගුණරත්න පවසයි.
ගාලුමුවදොර පිටියේ ඇති ‘ගෝඨා ගෝ ගම’ට මැර පිරිස ඇතුළුවීම වළක්වන ලෙස එවකට ජනාධිපති ගෝඨාභය රාජපක්ෂ මහතා කළ නියෝගය නොසලකා හැරීමෙන් දේශබන්දු තෙන්නකෝන් විශාල විනාශයක් කර ඇති බවද ඔහු පැවසීය.
මෙම නියෝගය පිළිපැදීමට අපොහොසත් වීමෙන් නිවාස 101 ක් විනාශ වූ බව ගුණරත්න පැවසීය.
එවකට ජනාධිපතිවරයාගේ සහ පොලිස්පතිවරයාගේ නියෝගය ක්‍රියාත්මක නොකිරීම සම්බන්ධයෙන් දේශබන්දු තෙන්නකෝන්ට එරෙහි නඩුවේ තීන්දුව අභියාචනාධිකරණ සභාපති බන්දුල කරුණාරත්න සහ විනිසුරු මරික්කාර් විසින් මාර්තු 27 වැනිදා ප්‍රකාශයට පත් කරන බව ඔහු පැවසීය.
