අටවෙනි හෙන්රි රජතුමා සහ අනිකුත් රාජකීයයන් ඔටුණු පැළඳි ඓතිහාසික රාජාභිෂේක පුටුවට, මේ වසරේ තෙවැනි චාල්ස් රජුගේ උත්සවයට පෙරාතුව අලුත් මුහුණුවරක් ගැනීමට නියමිත බව විදෙස් මාධ්‍ය වාර්තා කරනවා. වසර 700 කට ආසන්න කාලයක් තිස්සේ මෙම රාජාභිෂේක පුටුව නිල කිරුළ පැළඳීමේ උත්සවය සඳහා යොදාගන තිබෙනවා.
තෙවැනි චාල්ස් රජුගේ නිල කිරුළ පැළඳීමේ උත්සවය මෙම වසරේ මැයි 6 වැනිදා ලන්ඩනයේ වෙස්ට්මිනිස්ටර් ඇබී හීදී පැවැත්වීමට නියමිතව ඇත. රාජාභිෂේක පුටුව පළමු එඞ්වර්ඞ් රජතුමාගේ නියෝග පරිදි සදා තිබේ. සෑදු මුල් අරමුණ වෙනුවෙන් භාවිත කරන ලොව පැරණිතම ගෘහ භාණ්ඩය මෙයයි.
1308 වසරේ සිට බ්‍රිතාන්‍යයේ කිරුළ පැළඳීමේ උත්සව වලදී මෙම රාජාභිෂේක ආසනය භාවිතයට ගෙන ඇත. සිවුවැනි හෙන්රි රජතුමා කිරුළ පැළඳ ඇත්තේද මෙම ආසනයේ සිට බවද පැවැසෙයි.
