අද රජයේ ප්‍රවෘත්ති සාකච්චාවට එක් වූ දේශීය ආදායම් නියෝජ්‍ය කොමසාරිස් ජෙනරාල් සමන් ශාන්ත මහතා පැවසූයේ පසුගිය වසරේ රජය විසින් මුදල් අච්චු ගැසීම මෙන්ම ණය ගැනීම සීමා කල ද රජයේ වියදම් දැරීමට හැකි වූයේ බදු නිසා බවයි.
ඒ බව සදහන් කරමින් ඒ මහතා කියා සිටියේ 2023 වසරේ රුපියල් බිලියන 1550ක් බදු ලෙස එකතු කිරීමට දේශීය ආදායම් බදු දෙපාර්තමේන්තුවට හැකි වූ බවත් එය දෙපාර්තමෙන්තුව ඉතිහාසයේ එකතු කල වැඩිම බදු ආදායම බවත් ය.
