ශ්‍රී ලංකාවේ ණය නිරාකරණය කිරීම සම්බන්ධයෙන් වන පොදු රාමුවක් සැකසිය යුතු බව ජාත්‍යන්තර මූල්‍ය අරමුදල පෙන්වා දෙනවා ඒ ඊයේ (25) දිනයේ නිකුත් කළ නිවේදනයක් මගින්.
ශ්‍රී ලංකාවේ ඇති දැඩි විදේශ ණය හේතුවෙන් ආර්ථිකය බරපතළ අවපාතයකට ගමන් කරමින් සිටින බැවින් පොදු රාමුවක් සකස් කර ගැනීම සඳහා කාලානුරූප විධිමත් ක්‍රියාවලියක් අත්‍යවශ්‍ය බව එම නිවේදනයේ සඳහන්.
ජාත්‍යන්තර මූල්‍ය අරමුදල මෙම නිවේදනය නිකුත් කළේ G 20 සමුළුවේ මහබැංකු අධිපතිවරුන්ගේ හා මුදල් අමාත්‍යවරුන්ගේ රැස්වීමෙන් අනතුරුවයි.
ජාත්‍යන්තර මූල්‍ය අරමුදලේ කළමණාකාර අධ්‍යක්ෂිකා ක්‍රිස්ටිනා ජෝර්ජිවා සඳහන් කළේ ශ්‍රී ලංකාව ණය නිරාකරණය කිරීමේ වේගය වැඩිකිරීමට සිදු කරන උත්සාහය අගය කරන බවත් එය ශ්‍රී ලංකා ආර්ථිකය යළි පිබිදීමක් ලෙස හඳුනාගත හැකි බවත්ය.
කොවිඩ් වසංගතය හා යුක්‍රේන – රුසියා යුද්ධය හේතුවෙන් ලොව පුරා දැඩි ආර්ථික කම්පනයක් විශේෂයෙන් සංවර්ධනය වෙමින් පවතින රටවල ඇතිව ඇති බව ඇය පෙන්වා දෙනවා.
