2021 දී චීන කාබනික පොහොර ආන්දෝලනාත්මක නැව්ගත කිරීමේ සිද්ධියට වගකිව යුතු විධායක නිලධාරියා ජාතික ජන බලවේගයේ වත්තල නගර සභා අපේක්ෂකයෙකු ලෙස තරඟ කරන බව කෘෂිකර්ම අමාත්ය මහින්ද අමරවීර චෝදනා කරයි.
දෙරට අතර රාජ්ය තාන්ත්රික විරසකයක් ඇති කළ ආන්දෝලනාත්මක ආනයනයේ සැබෑ මහ මොළකරුවන් මේ වන විට හෙළිදරව් වී ඇතැයි ද ඔහු පැවසීය.
මෙයට පෙර මාධ්ය වෙත අදහස් පළකරමින් මෙම සම්බන්ධයෙන් බරපතළ චෝදනා එල්ලවූ වාර්මාර්ග රාජ්ය අමාත්ය ශෂින්ද්ර රාජපක්ෂ කියා සිටියේ කාබනික පොහොර නැව සමග තමාගේ කිසිඳු සම්බන්ධයක් නොමැති බවත් තමන් අමාත්ය තනතුරේ වැඩ භාර ගැනීමට පෙර මෙම ගණුදෙනුව සඳහා කටයුතු සූදානම් කර තිබු බවත්ය. සිද්ධියට වගකිව යුතු විධායක නිලධාරියා ජාතික ජන බලවේගයේ වත්තල නගර සභා අපේක්ෂකයෙකු ලෙස තරඟ කරන බව කී ඔහු සත්ය ලෙසම කුමන්ත්රණකරුවන් කවුද යන්න එමගින් පැහැදිලි වන බවද පැවසීය.