‘වෙනසක් හදන වසරක්’ තේමාව යටතේ ආණ්ඩුවට විරෝධය පෑමක් අද කොළඹ දී සිදු කරන්නට සැලසුම් කර ඇති අතර විශාල ජනරැලියක් අද හවස කොළඹ දී පවත්වන්නට අදාළ සංවිධාන කටයුතු සිදුකරමින් ඇති බවටත් සමගි ජන බලවේග ආරංචි මාර්ග ප්‍රකාශ කරයි.
‘වෙනසක් හදන වසරක්’ තේමාව යටතේ මේ ඇරඹෙන්නේ විපක්ෂ නායක සජිත් ප්‍රේමදාස මහතාගේ 2024 ජනාධිපතිවරණ ප්‍රචාරක ව්‍යාපාරයයි.
දිවයිනම ආවරණය වෙන පරිදි සමගි ජන බලවේගයේ ආධාරකරුවන් දස දහස් ගණනක් මෙම රැලියට සහභාගී වීම සඳහා කොළඹට පැමිණෙන බවත්, එම පක්ෂයේ සියලු නායකයින් මෙම රැලියට සහභාගී වෙන බවත්, විපක්ෂයේ පක්ෂ නායකයින් විශාල පිරිසක් ද මෙම අවස්ථාවට සහභාගි වෙනු ඇතැයි ප්‍රකාශ කරන එම පක්ෂය, ඒ අනුව විපක්ෂ සන්ධානයක් ලෙස පුළුල්ව කටයුතු කරන බවට වූ සංඥාවක් මෙදින රටට ලැබෙනු ඇතැයිද ප්‍රකාශ කර සිටියි.
