පාපන්දු නිල වරණය පැවැත්වෙන දිනය…

ශ්‍රී ලංකා පාපන්දු සම්මේලනයේ සභාපති ලෙස ජස්වර් උමාර් විසින් සහ පාපන්දු සම්මේලනයේ ලේකම් උපාලි හේවගේ විසින් ඉදිරිපත් කල නඩුව ඊයේ (20) අභියාචනාධිකරණයේදී විභාගයට ගත් අතර මෙහිදී ක්‍රීඩා අධ්‍යක්ෂ ජනරාල් විසින් දින 69 ක් ඇතුලතදී පාපන්දු සම්මේලනයේ නිලවරණය පැවැත්වීමට කටයුතු කරන බව අධිකරණය හමුවේ සඳහන් කරන ලදි. 2022 ඔක්තොම්බර් 26 බදාදා දින නැවත නඩුව කැදවීමට අධිකරණය තීරණය කල අතර එදිනට පාපන්දු සම්මේලනයේ නිලවරණය පවත්වන දින නිශ්චිත ලෙස දන්වන ලෙසට ක්‍රීඩා අධ්‍යක්ෂ ජනරාල්වරයාට නියෝග කරන ලදි. පාපන්දු නිලවරණය කඩිනමින් පවත්වන ලෙස ඉල්ලමින් පාපන්දු ලීග 40ක් මෝසමක් මාර්ගයෙන් මැදිහත් පාර්ශවක් ලෙස මෙම නඩුවට එක් වී ඇති බව ජස්වර් උමාර් මහතා සඳහන් කරයි.